Друштвото за ревизија Македонски ревизорски центар ДОО Скопје (МРЦ) е основано кон крајот на 1998 година како едно од првите друштва за ревизија во Република Македонија формирано согласно донесениот Закон за ревизија од 1997 година.

Во овој период друштвото МРЦ доби привремено решение за обавување на дејноста ревизија врз основа на тогашните тековни законски одредби, додека во месец Декември 2002 година има добиено решение за трајна дозвола за работа од страна на Министерството за финансии на Република Македонија.

Основна дејност на друштвото е вршење ревизија на финансиските извештаи на компании, банки и осигурителни друштва во Република Македонија, како и ревизија на проекти финансирани од различни странски донатори и кредитори (Светска банка, Европска банка и други фондови).